< مجتمع كيونوتك أندرويد

- كيفية الحصول على تطبيقات مدفوعة مجاناً( حلال )مو مكركة!!

كيفية الحصول على تطبيقات مدفوعة مجاناً( حلال )مو مكركة!!

الكاتب: TechFreaksHD 08-06-2013

هلا وغلا.. كيف الحال؟ عساكم فوق النخل؟! ربي يعطيكم الصحة والعافية والرزق الحلال .. قولوا آمين :)

خل نبدأ الموضوع باسم الله ،،
اليوم موضوعي عن مجموعة من التطبيقات( 3 بالضبط) تعطي عرض لمدة 24 ساعة تطبيق مدفوع تخليه مجاني!
هذي التطبيقات مو منتشرة عندنا للأسف وفي ناس كثيييييير تفوتهم تطبيقات بصراحة تستحق الدفع وأحياناً حتى في تطبيقات سعرها 15$او اكثر!! قبل يومين كان في عرض على Next launcher اللي يعتبر من أغلى ال اللانشرات.
يعني راح توفر كثير ومافي داعي للقلق والبرامج وموضوع البرامج المكركة( شخصياً انا كمطور ضد البرامج المكركة لانك كأنك تسرق من رزق ناس.. في ناس عايشين على دخلهم من التطبيقات خاصة المطورين اللي شغالين وحدهم ويشتغلون ويتعبون بس عشان يدخل كم دولار)

ليش مستعجل ياشيخ! انطر بس خلني اقول اللي في بالي.... اخخ والله نسيت( ترى والله كنت بقول شي ونسيت هع ).. شفت شنو سويت! خلاص راح ابدأ من عيوني.. ( ادري راح تقولون مجنون بس والله للحين ما أكلت خخ)

1- AppGratis

غني عن الشرح ويعطي برامج مفيدة جدا جدا.. وللحين استخدم أغلبها... في موضوع نزل في كيونتك عنه هنا ماراح اشرح لأنه اصلا في موضوع :) من الإدارة جزاهم الله خير.

من هنا > Play Store

من هنا > Dropbox ( للإخوان في سوريا والسودان سمعت ان الماركت محجوب ورفعته عشانهم )



2- AppOfTheDay ( app of the day)

التطبيق نفس الفكرة ونفس حتى الشكل من تطبيق app gratis
لكن هذي راح يعطيك تطبيقات تختلف عن الأول لانهم مو نفس الشركة... يعيب هذا التطبيق انه مو متوفر عندنا في الدول العربية في قوقل بلاي.... لكن اذا حملت ال apk راح يشتغل معاك 100%... ومن الأشياء الجميلة فيه انه يجمع كم من الفلوس وفرتها مع الوقت( فكرة حلوة )... أنصحك ان تقرأ الشرح( من برنامج app of the day ) قبل تحميل اي برنامج منه لأنه أحياناً البرنامج اللي عليه عرض يبيك تدخل كود راح لاقي الكود وطريقة إدخاله في تطبيقنا المذكور.

من هنا > Play Store ( لم أضع رابط بحكم انه غير متوفر بالدول العربية رجاءً حمل من ال Dropbox )

من هنا > Dropbox


3- Today's free app

هذا أقل واحد عجبني لأنه تقريباً دائماً يعطي العاب لكن العاب شخصياً ما تعجبني( ممكن تعجبك انت) بس ماقد حملت احد عروضه..
لان ولا شيء منها عجبني( 3 أيام معي يعني 3 عروض ممكن يعجبني شيء مستقبلاً )... بس تقريباً هذي كل اللي اقدر أقوله.

من هنا > Play Store

من هنا > Dropbox ( للإخوان في سوريا والسودان سمعت ان الماركت محجوب ورفعته عشانهم )

---------------------

ختاماً أتمنى اني افدتكم.. لأن موضوع الدفع لشراء تطبيق امر صعب شوي نظراً لحالة الوطن العربي ( الله يصلحه قولوا آمين ) وانا أتفهم... ( صحيح انا مو بموضع إفتاء عشان اقول حلال او حرام لكن بمجهود شخصي وبحث بسيط ارى ان البرامج المكركة حرام... فكر فيها ولا تتعصب بالله عليك مو ناقصني نفسيات انا)


تذكروا لو تبي تمسح تطبيق من اللي عليها عرض لاتمسح ملفات التطبيق عشان لو تبيه مرة ثانية يرجعلك كااامل احتياطا فقط.... وأيضاً لا تمسح تاريخ التنزيل من قوقل بلاي( توجد قائمة لكل التطبيقات اللي نزلتها من قوقل بلاي "اضغط زر القائمة > تطبيقاتي > التطبيقات المنزلة)

اشوفكم قريب في موضوع/مقالة/ او مناقشة :)

الموضوع متعوب فيه إذا عجبك لاتنسى تضغط على القلب :)

أخوكم،،
سالم / TechFreak

26
أعجبني!

التعليقات (17)

في تطبيق احلى منه واحلى من قوقل بلي
اتحفنا... بشرط ان لايكون للبرامج المكركة..
إستمر يا مبدع
تشكر :)
تم اخفاء التعليق من قبل كاتب الموضوع. لعرض التعليق اضغط هنا..
للتطبيقات one mobile market and aptoide
للألعاب muzhwian وميزته يحمل الالعاب علي صيغة apk
اخوي هذي فيها الألعاب والبرامج مكركة... انا قاعد اتكلم عن برامج تعطيك عروض خاصة من المطورين نفسهم ومن قوقل بلاي.. ... اتوقع انك ماقريت حتى نص الموضوع.. على العموم شكراً على مرورك!
مبدع
حياك ربي.. :)
شكرا لك في تطبيق افضل منهم بس ناسي اسمه
حبيبي والله،،
لو تذكرت إسمه قوله هنا لا تنسى.
اسلوبك جدا جدا اعجبني هههههههههه
وشكرا عالموضوع
هع احرجتني >°< تسلم أخوي
ابداااع
هع إسمك نفس اسمي بعد :) يعني انت قاعد تمدح نفسك.؟!.
هع امزح.. يسعدني مرورك.
اسلوبك خفيف وراقي بكلماتك.تشكرات كثيرة وجاري التجربة.تحياتي
الله يسلمك يالغلا... جربها وعلى ضمانتي.
يتم تحميل باقي التعليقات..
يجب عليك تسجيل الدخول أولا لتتمكن من التعليق. (تسجيل الدخول) (تسجيل عضو جديد)
مواضيع ذات صلة من مجتمع كيونوتك ..
آخر اخبار التكنولوجيا
أجهزة ذكية