< مجتمع كيونوتك أندرويد

- فرق خطير فى النوت 3 بين نسخة 3G و 4G

فرق خطير فى النوت 3 بين نسخة 3G و 4G

الكاتب: بنى آدم مصرى 13-01-2014

طبعا عنوان المقال مش مجرد فرقعة لا ده حقيقة
انا تقريبا اكتشفت فرق كبير جدا لصالح نسخة ال 3G
وتم ارفاق صورة لمساحة الرام الاجمالية لنسخة ال3G وهتلاقى ان مساحتها الاجمالية 2.66 جيجا لكن بالنسبة لنسخة ال4G هتلاقى المساحة الاجمالية للرام 2.38 جيجا
طبعا واضح الفرق وده لان معالج سناب دراجون 800 يسحب مساحة من الرام وايضا كارت الشاشة يسحب من الرام بعكس معالج Exenos من سامسونج اللى مالوش علاقة بالرام
كمان سرعة صرف البطارية فى نسخة ال4G اعلى من ال3G وده لان معالج سناب دراجون دايما شغال بكامل قوته مهما كان عملك على الجهاز يعنى مثلا مجرد انك بتسمع اغانى بالظبط زى ما بتعلب لعبة تقيلة مثلا Asphalt 8 بعكس معالج سامسونج اللى بيقسم جهده حسب عملك عالجهاز مما له اثر واضح على التزفير فى صرف البطارية

اما بالنسبة لخاصية ال4k اللى موجودة فى نسخة ال4G من عيوبها ان تصويرها محدود بمعنى ان اقصى مدة تصوير متاحة هى 5 دقايق لكل فيديو قيس على ذلك المساحة الرهيبة اللى ممكن توصل لفيديو 5 دقايق لحوالى 8 جيجا

غير كل ده حابب اقولكم على حاجة مالهاش علاقة بالموضوع كلنا عارفين ان النوت 3 بقى usb 3.0 وبالتالى ليه واصلة شحن خاصة به مختلفة عن ال usb 2.0 ولكن باستطاعتك انك تستعمل الواصلة الخاصة بال usb 2.0 على النوت 3 عادى جدا لكن هيكون فى بطىء فى الشحن شوية عن الواصلة العادية وكمان سريعة تحميل الداتا عند وصله بالكمبيوتر هتكون ابطء لكن هيفى بالغرض
وشكرا
ملحوظة : اتقبل النقد الحاد بكل روح رياضية (:


30
أعجبني!

التعليقات (35)