< مجتمع كيونوتك أندرويد

- تجربتي مع نوت 3 $

تجربتي مع نوت 3 $

الكاتب: M7md qtr ♡ 19-06-2014

السلام عليكم ورحمة الله وبركاته

كيف حالكم عساكم بخير $$

طبعا اليوم اعود للمجتمع ومعاي نوت 3 سابقا كان معاي نوت 2 ( التعبان ) ههههه وخذتلي نوت 3 لان سعره جيد ومب هو الجوال اللي خاطري فيه ( نوت 4 او ايفون 6 ) لكن خذت الجوال لانه عاجبني واحرقه لمده 3 شهور الين ينزلون وحش سنه 2014 النوت والايفون .

من خلال تجربتي للنوت 3 :-

- النوت 3 خفيف بكثير من النوت 2 وتحس بالفرق .

- النوت 3 شاشته والوانها جذابة جدآ وحاده وعالية السطوع افضل من النوت 2 بمراحل .

- تصميم النوت 3 انيق وجميل وتستطيع مسك الجهاز بيد وحده وترتاح عكس النوت 2 يدك تعرق وتحسه كبير من الاطراف .

- كاميرا النوت 3 ممتازه مع دقه 4K بمعنى الكلمه والجهاز 4G والسعة 32GB ياسلااام شي خرافي .

- الرام 3 جيجا جميل والجهاز مايعلق ابدا تبارك الله ومع معالج سنابدراقون 2.3 GHz تحس بفرق وسرعه هايله .

- الجهاز جميل جدا وسعره في متناول الجميع بحدود 2100 والمستعمل بحدود 1500 - 1900 ريال ويستحق الاقتناء وماعليه كلام ومع شحن USB 3.0 يشحن سريع ماشاء الله .

وفي النهاية / اعلم ان الهاتف نازل فالاسواق من زمان والكل يعلم مواصفاته لكن للي يبغي هاتف هايل وخارق يلبي رغباته يتجه للنوت 3 وشكرا لكم اهم شي القلب الاحمر والتعليق .

46
أعجبني!

التعليقات (20)

معي نوت 3 ولاكن 3 جي.. ومبسوط عليه كثيراا.. فهو سريع ثماني النواه اكسيونس1.9 وبطاريه قويه تبارك الرحمن
ياشباب


مين أفضل
نوت 3
أو
S5
نوت 3 بكثييير
بس بالنسبة للسعر
في الوقت الحالي سعر الجهاز تقريبا 1700 ريال للجديد
ما شاء الله هذا الجهاز إلي انا ناويه من زمان بس كان سعره 2500 و ان شاء حشتريه نهاية رمضان بسعر 2050

الله يسعدك يا محمد اشكرك على الموضوع
مين قلكك 2050 النوت 3 الححين سسعره 1700 يعني نهايةة رمضضان ح يكون اقل سسعره من 1700 !!
انا اقلك على ال 4G يالحبيب طراز 9005
بصراحة الهاتف قدييم لو انا مكانك كان شريت اكسبيريا زي2 او ال جي جي3 او htc m8. واذا كنت من عشاق سامسونج كنت راح اخذ جالكسي اس5 او انتظر الجالكسي نوت4


لاكن افضل جهاز حتى الان الاكسبيريا بس انا انتظر حتى تنزل المراجعات عن الالجي جي 3. واحكم من الافضل هو او الاكسبيريا زي2
انتظر نوت4
ماتحدثت عن البطاريه في النوت 3 هل هي افضل من النوت 2 او متساويتان في الاداء
انا بسراحه من عشاق اجهزة النوت واستخدمتها كلها النوت 1 والنوت2 وحالياً معي النوت3 ... الجهاز جدآ قوي ومواصفاته ممتازة بس الحقيقه يبهذلني بالتصوير ، يعني لازم اثبت الجهاز فتره لين يحفظ الصورة لاني اذا تحركت ماراح يحفظ الصورة المطلوبة وما ادري المشكله هذي عندي بس عشاني مركب ميموري 16 جيجا او المشكلة موجودة في اجهزة نوت 3
لا هاذي بس عندك
مشكورين على التعليقات الحلوة
يامحمد انا من زمان اقول لهم
اشتروا النوت3 اشتروه اشتروه اشتروه...
نشف ريقي، وطلع شعر في لساني
تعبوني ياسيخ
لكن شكراً لك انت وضحت لهم كلامي وشكرا
فعلا انا امتلك الجهاز ماعليه كلام وماندمت لاني شريته.
افضل اجهزة في سامسونج سلسلة النوت
انا بعد من عشاق اجهزة النوت ..
كان عندي نوت 1 والحين عندي نوت 2 وقريبا راح اشتري النوت. 3 بس انتضره يرخص شوي ..
صراحة جبار ومواصفاته قوية جدا يستحق الاقتناء .
عندي النوت 3 من ثمانية أشهر جهاز راقي جداً
جهاز رائع معي من 7 شهور
وهو جبار بكل المقاييس♤
معي من امس نسخة ال4g وهو روعة جدا
أنا قررت استبدال جهازي جلكسي Ace بنوت3
نقله كبيره!
مستني ينزل نوت 4 عشان يقل سعر نوت 3 شوي
يتم تحميل باقي التعليقات..
يجب عليك تسجيل الدخول أولا لتتمكن من التعليق. (تسجيل الدخول) (تسجيل عضو جديد)
مواضيع ذات صلة من مجتمع كيونوتك ..
آخر اخبار التكنولوجيا
أجهزة ذكية