< مجتمع كيونوتك أندرويد

- تجربتي مع جهاز هواوي ميت 7

تجربتي مع جهاز هواوي ميت 7

الكاتب: زيد القيسي 12-08-2015


انا شريت الجهاز صلي حوالي 3 اشهر بسعر 450دينار اردني و هذا يعادل تقريبا 2250 ريال هوة ارخص بالسعودية كثير بس هيك عندنا الاسعار طبعا لنسخة الجولد انا لما سألت عن الجهاز باكثر من محل ما نصحوني فيه و حكولي سئ جدا بس ما رديت على حدا و رحت اشتريته من الشركة بدي احكي الموضوع بدون اي تحيز و بدي اقارنه بكل الهواتف الموجودة بسم الله

اولا من ناحية التصميم و جودة الخارجية

طبعا الجهاز مصنوع من الالمنيوم كامل و صراحة قوي الا جوانب الشاشة من بلاستيك سهل الخدش بس مش مشكلة و الكاميرا بارزة شوي و محل البصمة ممتاز بمعنى الكلمة و صراحة بصمة ممتازة جدا تنفتح معي بسرعة حتى و هوة مغلق الهاتف يعني بدون ما اضوي الشاشة و هاي ميزة و البصمة تشتغل معي من 9/10 صح يعني ممتازة حتى لو ايدي رطبة اعطيها بالمجمل 9/10

ثانيا من ناحية الاداء
ممتاز صراحة ما يعلق ابدا مركبله بطاقة ذاكرة خارجية 64 طبعا معبيها العاب و برامج حوالي 40جيجا و مخليهم يشتغلوا براحتهم ببين الرام متعبي مرات بس ما بعلق ولا ببطا ابدا الحمد لله بديش اكلمكم عن الارقام عشان ما الها معنى اهم شي الاداء كل الالعاب بشغلهم اعلى جودة ما بعلق ابدا الا لعبة واحدة بس بتسير الفريم بطئ شوي بين15و 20 و انا مجرب كل العاب القوية وحدة وحدة انا اصلا اغلب الالعاب بحب العبها القوية جدا و بحطهم اعلى شي و كلشي كويس بطلع و لا بعلق ولا ببطئ حتا الي بمصاري مجربهم و اهم شي ما بسخن الا شوي صغيرة لما اشحن و العب 9،5/10 اسم اللعبة world of tank روحوا الاعدادات و حطوا ظل و صوت و حساسات اعلى شي و جودة اعلى شي و شوفوا ذا بطئطت العبة بعد هجوم الاعداء

ثالثا البطارية و الشاشة
بطارية ممتازة بمعنى الكلمة تقعد كثير ما جربت بالزبط قديش تصمد بس رح اجرب و شحنها سريع و الشاشة ممتازة ما تصرف بطارية عشنها1080ب بس كفاي اصلا ما في محتوة بدعم اكثر من هيك ابدا و اسالوا لا الافلام و لا العاب و مو رح ينزل قبل 4 سنين بالاقل كالعاب يعني ما تقلقوا و واضحة تحت اشعة الشمس ببين كل اشي و تباين ممتاز اعطيهم 10/10

رابعا من ناحية الصوت
عالية السماعة صوتها بس لما اعلي الصوت اعلى اشي بحس في تغبيش او وشة بالصوت بعطييها 8/10
خامسا المزايا الداخلية
تقدر تحول كل شي حتا الي ما بقبل ينزل على البطاقة الخارجية ينزل على الخارجي يعني غصب عن التطبيق يروح البطاقة الخارجية و في اشي اسمه الخزانة بتشفر الصور مستحيل تطبيق يمسهم و مجرب الموضوع سويت مسح للوتس اب مع الي انبعتلي عليه انمسح الصور و كل شوي غير الي شفرتهم ضلهم موجودين و فيه ميزة تعين بصمة من احد الاصابع عشان يفتح و تبين تطبيقات و اشياء و صور انتا تختارهم بس و الباقي يختفوا كانوا نمط ضيف و باس خاص كمان بالضيف
هاي اشياء ممتازة بعطيها 10/10 من ناحية السوفتوير مع انه مرات يخربط في حساب حجم التطبيق مش مشكلة عادي تروح من منطقة ثانية يحسبها صح

سادسا الكاميرا كويسة بالضوء العالي بس بالمناطق خفيفة الاضائة مش كثير كويسة 7،5/10 تقيمي لالها

الميزات الموجودة والناقصة
1موجودة بصمة
2بطاقة ذاكرة خارجية موجود
3تبدل البطارية مش موجودة
4مقاومة ماء مش موجودة و هاي مشكلة نسبة لي
5شريحتين بنفس الوقت مع بطاقة الذاكرة مو موجودة يا بطاقة2 يا ذاكرة بخيروك
6السعر المناسب سعره على مواصفاته ممتاز جدا بعطيه 10/10
7كفر بنفس العلبة موجود (و هاد بعطي قيمة اكبر عند الشراء)

بدكم راي هاد احسن جهاز بقتني و ما بدي ابدله كلشي فيه ممتاز انصح بشرائه انا حكيت بزمة و ضمير بدون اي تعصب ابدا حمد لله


جهازي نسخة الجولد و اسمي زيد القيسي تركت كينوتك حوالي سنة هاد اول موضوع بعد هاي الغيبة ادعموني اعجاب و تعليقات صراحة تعبت كثير بكتابته هاد الموضع و شكرا تقيمي للجهاز كامل 9/10

53
أعجبني!

التعليقات (19)

شكرا على الموضوع الجميل
لو حطيت صور كان موضوعك أحلى
أما بالنسبة لل world of tanks ف هيي لعبة تقيلة وإجباري بتسخن الجهاز وأنا بلعبها
سويت مقارنة مع النوت 3 في منتدى بوابة الانترنت الرقمية قسم smart phone

مقارنة البطارية و الاستهلاك انصحك بمتابعة الموضوع
اذا بدك اللعبة تعطيك اعلى قوى عندها روح الاعدادات حط مرتفع تطلع خرافية ظلال و رسوم جميلة بس متعبة للجهاز
شكرا
مشكور على الموضوع بس ممكن تضيف معلومات اكثر عن البطارية
انا باستخدام الجهاز اكثر من 7 اشهر تقريبا وراىع جدا وبطارية بطلة والتغطية من المستحيل فقدانها لوجود 2 انتن بالجهاز
عاشت ايدك حبيبي
ونورت المجتمع

طبعاً انا لا اعرفك شخصياً بس انت انسان رائع وكتابتك للمقال جداً جميلة وتفتح النفس، وبطريقة عفوية دون تكلف وبحيادية تامة ومن دون تعصب

وانت تستاهل 10/10،

تحياتي الك حبيبي
مشكور اخي على هاذا الرد الجميل الله يوفقك و انا معك بكره الانسان الي يشتري جهاز ما يجرب غيره يحكم عليه لازم يجرب كل الاصناف بعدين يحكم و هذا كان من الاسباب لتركي كينوتك و هو التعصب الي عند الناس
موضوع رائع ومتكامل بس لاحظت انك ماتكلمت عن السلبيات الموجودة في الجهاز
بالاردن عنا لحد الان سعرو 350 دينار
مبروك الجهاز اخي
والله الشركات الصينية بدا تعمل مشاكل كتير مع الشركات الرائدة
بلنسبه لألي بفضل فئه النوت ومقتنع بشكل عام، بغض النضر عن الاجهزه الي بتنزل بلسوق
جدا استفدت من موضوعك يعطيك العافيه وكنت محتاج هيك موضوع
مشكور علي المعلومه
6نك
مشكور اخي ع الموضوع وأجمل ما فيه عفويتك وحرصك على كتابة معلومة صادقة بعيدا عن التحيز ، شكرا لك مرة أخرى
انا طبعا مجنون هواوي الراوتر عندي هواوي وعندي سلسلة الهونر 6 و الهونر 6 بلس جبتو من سوق كوم وعندي الهرنر الايت و ناوي على الميت 8 لمن ينزل أن شاء الله لكن هواوي بشكل عام مبدعة.. وشكرا لك على موضوعك وطرحك الجميل
انا معاىا الجهاز من فتره وبصراحه اداءه حلو بس فيه عيب فى الشاشه لما تخلى خلفية الجهاز بيضاء يظهر لك عيب فى الشاشه
يتم تحميل باقي التعليقات..
يجب عليك تسجيل الدخول أولا لتتمكن من التعليق. (تسجيل الدخول) (تسجيل عضو جديد)
مواضيع ذات صلة من مجتمع كيونوتك ..
آخر اخبار التكنولوجيا
أجهزة ذكية